न्यू योर्क शहरका मेयर–निर्वाचित जोहरान ममदानीले हालै एक हप्ताको बिहान आफ्नो २,३०० डलर (प्रति–महिनाको अपार्टमेन्टको भुइँमा तौलियाहरू बिछ्याएर बिताए।जहाँ बाथरुमको सिंक चुहिरहेको थियो, र सुपरलाई बोलाइएको थियो।

त्यो मात्र निराशा थिएन।

‘मेरो श्रीमती र मैले भर्खरै कुरा गर्यौं कि अब हामीलाई एक शयनकक्ष (वन–बेडरूम) अपार्टमेन्ट अलि सानो भयो,ू उनले भर्खरै प्लम्बिङ समस्याहरूको विस्तृत जानकारी दिएपछि ‘द न्यू योर्कर रेडियो आवरू मा भनेका थिए ।

यदि ममदानीले न्यू योर्क शहरको औपचारिक मेयर निवास ग्रेसी म्यानसनमा सर्ने निर्णय गरे भने, उनी व्यक्तिगत रूपमा यस्ता दैनिक समस्याहरूसँग धेरै लामो समयसम्म जुझ्नुपर्ने छैन। न त उनको नयाँ आवास त्यति साँघुरो महसुस हुनेछ।

ममदानीको हालको घर, क्वीन्सको एस्टोरियामा रहेको एक सामान्य भाडा–नियन्त्रित अपार्टमेन्ट, र ग्रेसी म्यानसन, अपर ईस्ट साइडमा रहेको २२६ वर्ष पुरानो, ११ हजार वर्ग फुटको घर, जसमा झूमरको प्रकाश चहकिला ऐना, नक्कली महोगनी ढोका, स्याउ र नेभाराका रूखहरू भएको विशाल लन, र कहिलेकाहीं खरायोले सताउने तरकारी बगैंचा छ—यस बीचको भिन्नतालाई बढाइचढाइ गर्न गाह्रो छ।

डान्टे डे ब्लासियो, जो उनका बुबा बिल डे ब्लासियो मेयर हुँदा किशोर थिए, २०१४ मा आफ्नो परिवार त्यो घरमा सर्दा आफूलाई ‘अमेरिकाको सबैभन्दा भाग्यमानी बच्चा’ महसुस भएको सम्झन्छन्।

‘न्यू योर्कमा हुर्कंदै गर्दा, तपाईंले ठाउँलाई हल्का रूपमा लिनुहुन्न,’ उनले भने। ‘र अचानक तपाईंसँग लन र बल रुम भयो।’

तर उनले यसले एक्लोपन महसुस गराउन सक्ने पनि बताए। ‘तपाईं न्यू योर्क शहरमा बस्ने दैनिक वास्तविकता, सबै महिमा र अपमानबाट अलग हुनुहुन्छ’ उनले भने।

यद्यपि ममदानीले महिनौंदेखि आफ्नो हालको अपार्टमेन्टबाट सर्ने योजना बनाएको बताएका छन्, तर बुधबार बिहान उनलाई ग्रेसीमा सर्नेबारे सोध्दा उनले टार्ने जवाफ दिए।

‘म कहाँ बस्दैछु भन्ने बारेमा मसँग अझै जवाफ छैन,’ उनले एक टेलिभिजन अन्तर्वार्ताको क्रममा भने, ‘तर म तपाईंलाई बताउन सक्छु कि म जहाँ काम गर्दैछु, र त्यो सिटी हल हो।’

बुधबार एक पत्रकार सम्मेलनमा, मेयर–निर्वाचितले मजाक गरे अनुसार उनले आफ्नो सुपरबाट ढिलो रातको टेक्स्ट प्राप्त गरे।

तर ग्रेसी नै हो जहाँ लगभग सबै मेयरहरू पुग्छन्—यसको भारी सुरक्षा र पर्याप्त भेला हुने ठाउँको कारणले गर्दा—उनीहरूलाई मन परोस् वा नपरोस्।

यहाँ केही तरिकाहरू छन् जसबाट ममदानीको वर्तमान अपार्टमेन्ट उनको सम्भावित भविष्यको घरभन्दा फरक छ।

हिटर र तातो पानी छ

जब ममदानीको क्वीन्सको अपार्टमेन्ट अन्तिम पटक २०१८ मा सूचीबद्ध गरिएको थियो, लिस्टिङले एक आकर्षक सुविधाको बारेमा घमण्ड गरेको थियो, जुन वास्तवमा न्यू योर्क शहरको कानूनद्वारा आवश्यक छः भाडामा हिटर र तातो पानी समावेश हुनुपर्दछ ।

त्यो मात्र होइन।

भान्साकोठामा झ्याल थियो। एकल शयनकक्षमा दुईवटा कोठरीहरू थिए। र सुपर भवनमा बस्थे।

अपार्टमेन्टमा वाशर वा ड्रायर नभए पनि, भवनमा एक साझा लुगा धुने कोठा थियो।

१९२९ मा निर्माण गरिएको, लयलमभकअचष्उत, फिक्का इट्टाको, कम–उचाइको भवनमा एउटा लिफ्ट छ, जसलाई दलालहरूले एस्टोरियामा विरलै हुने भनेका छन्।

यद्यपि ममदानीको अभियानका कर्मचारीहरूले यसको बारेमा छलफल गर्न अस्वीकार गरे, दलालहरूले अनुमान गरे कि युनिट सायद ८०० वर्ग फुट जति मात्र छ।

पूर्णकालीन शेफ र अन–साइट बल रुम ?
अर्कोतर्फ, ग्रेसी म्यानसनलाई एक पटक न्यू योर्क टाइम्सका रिपोर्टरले ‘घरको फिक्का कागती केकू को रूपमा वर्णन गरेका थिए। यो कार्ल शुर्ज पार्कको अग्लो स्थनामा अवस्थित छ, एफडीआर ड्राइभलाई छुँदै यसको ग्रीष्मकालीन बरण्डाबाट पूर्वी नदीको व्यापक दृश्यहरू प्रदान गर्दछ।

डाउनटाउनमा कार्यालयमा एक दिन बिताएपछि, मेयरहरूलाई ग्रेसीको सुरक्षा गेटबाट भित्र लगिन्छ र अगाडिको ढोकाबाट हिंड्छन्, जुन एक मेजुजाले सजिएको छ, टोरा पदहरूको एक सानो केसमा रहेको स्क्रोल, जुन पहिले मेयर अब्राहम बीमले स्थापना गरेका थिए, उनी १९७० को दशकमा मेयर थिए ।

भुइँ तल्ला धेरै अलंकृत छ, एकदम संघीय शैलीमा, र मेयरको लागि चलाउन पूर्ण रूपमा प्रतिबन्धित छ। त्यहाँ एक ठूलो फायरप्लेस सहितको मनोरञ्जन कोठा छ जहाँ मेयर जोन लिन्डसेका बच्चाहरूले १९६० को दशकको अन्ततिर आफ्नो क्रिसमस मोजाहरू झुन्ड्याएका थिए, एउटा बस्ने कोठा र पेरिसियन बगैंचाहरू चित्रण गर्ने वालपेपरमा बेरिएको एक भोजन कक्ष छ।

मेयरहरूले यहाँ आफ्नो भोजन गर्न सक्छन्, जुन ग्रेसीका पूर्ण–कालीन शेफ द्वारा तयार गरिन्छ।

जब हल पारिको बल रुम १९६६ मा खुल्यो, द टाइम्सले टिप्पणी गरे अनुसार त्यो ठाउँ ूहेडन क्वार्टेट जत्तिकै औपचारिक र सन्तुलितू थियो।

माथिल्लो तलामा पाँच शयनकक्षहरू छन्।

मेयरहरूको एक श्रृंखलाले यस धेरै औपचारिक म्यानसनको यस भागलाई अलि बढी घरजस्तो महसुस गराउन खोजेका छन्।

डे ब्लासियोको परिवारले निवासलाई आधुनिकीकरण गर्न वेस्ट एल्मबाट एक सज्जाकारलाई भाडामा लिएर कोठाहरू मध्ये एकलाई गृह कार्यालयमा परिणत गरिएको हो । बीमको परिवारले अर्को कोठालाई डाइननेटमा रूपान्तरण गर्यो, जहाँ उनकी श्रीमतीले कहिलेकाहीं मध्यरातको खाजा खान सक्थिन्।

लिन्डसे, रुडोल्फ गुलियानी र माइकल आर.ब्लूमबर्गका छोरीहरूले तलको झ्यालको सिसामा आफ्नो नाम कुँदेका थिए। चरलान म्याक्रे, त्यसबेलाका बिल डे ब्लासियोकी श्रीमतीले पनि गरेकी थिइन्।

पूर्व मेयर बिल डे ब्लासियोकी तत्कालीन पत्नी चरलान म्याक्रेले ग्रेसी म्यानसनको एउटा झ्यालमा आफ्नो नामको हस्ताक्षर गरेकी थिइन्। अन्य धेरै पूर्व मेयरका छोरीहरूले पनि त्यसै गरे।
द न्यू योर्क टाइम्स

अन्तिम सुविधाः पार्टीहरूको लागि कोठा

ममदानीको जस्तो एक शयनकक्षको अपार्टमेन्टमा, चारैतिर छिमेकीहरू भएको ठाउँमा, ठूलो पार्टी आयोजना गर्न सजिलो छैन। तर ग्रेसी म्यानसन पार्टीका लागि बनाइएको थियो।

मेयर एरिक एडम्सले यस वर्ष केही हप्ताको अन्तरालमा अरब, इक्वेडर र गुयानाका न्यू योर्कवासीहरूलाई सम्मान गर्दै रिसेप्शनहरू आयोजना गर्नुका साथै फ्लीट वीक, महिला इतिहास महिना र नउरोज सुरु गर्न एक पार्टी पनि आयोजना गरेका थिए ।

एडम्सका छोरा, जोर्डन कोलम्यान, एक र्‍यापर हुन् उनले पनि एक पटक त्यहाँ बिदाको पार्टी दिएका थिए, आफ्नो नयाँ एल्बमका गीतहरू प्रदर्शन गर्दै।

गुलियानीलाई उनकी तत्कालीन पत्नी डोना ह्यानोभरले घरबाट निकालिदिएकी थिइन्, जब उनले आश्चर्यजनक पत्रकार सम्मेलनमा आफ्नो सम्बन्धविच्छेदको घोषणा गरेपछि जानकारीमा आएको थियो । उनले सिटी हल छोडेको केही वर्षपछि लनमा पुनर्विवाह गरे, जसमा टक्सिडो लगाएका डोनाल्ड ट्रम्प पनि उपस्थित थिए।

डान्टे डे ब्लासियोले ममदानीलाई घरको फाइदा उठाउन, र यसलाई सङ्ग्रहालयको रूपमा व्यवहार गर्नुको सट्टा वास्तवमै प्रयोग गर्न प्रोत्साहन दिए।

‘तपाईंले पार्टीहरू आयोजना गर्नुपर्छ,’ डान्टेले सल्लाह दिए। ‘मैले केही राम्रो बर्थडे पार्टीहरू दिएको थिएँ।’

मेयर एडम्सको २०२३ न्यू योर्क फेसन वीक पार्टी ग्रेसी म्यानसनमा भएको थियो जसमा अतिथिहरू एडभिन थम्पसन, भेरा वाङ, अन्ना विन्टोर र डोची पनि आएका थिए । द न्यू योर्क टाइम्सका लागिे

एस्टोरिया बनाम अपर ईस्ट साइड

एस्टोरिया, जसको प्रतिनिधित्व ममदानीले एसेम्बलीमा गर्छन्, युवा मानिसहरू र परिवारहरूका लागि किफायतीताको गढ रहेको छ जसले यसको शान्त आवासीय ब्लकहरूमा बसेका छन्, यसको वाटरफ्रन्ट पार्कको आनन्द लिएका छन् र आफ्ना बच्चाहरूलाई यसको राम्रो सरकारी विद्यालयहरूमा पठाएका छन्। यसका छिमेकी ग्रीस, इजिप्ट र मोरक्कोका आप्रवासीहरूको आवसीय भवन हो, र यसमा ठूलो ल्याटिनो जनसंख्या पनि छ।

यो शहरको एक सुखद, खासै फैन्सी नभएको, भाग हो।

र त्यसपछि अपर ईस्ट साइड छ।

यो लामो समयदेखि न्यू योर्कको सबैभन्दा धनी, सबैभन्दा कुलीन छिमेकहरू मध्ये एक हो। यो संसारका केही प्रसिद्ध सङ्ग्रहालयहरू र कार्लाइल होटलमा रहेका बेमेलम्यान्स बार जस्ता इन्स्टाग्राम आकर्षणहरूको घर हो, जहाँ ग्राहकहरूले २८ डलरको मार्टिनी अर्डर गर्न सक्छन् र त्यसपछि रातभर १,००० डलर वा धेरैमा बस्न सक्छन्।

यो शान्त छ, गर्मीका सप्ताहन्तहरूमा कहिलेकाहीं लगभग सुनसान हुन्छ, जब धेरै बासिन्दाहरू ह्याम्पटन वा न्यन्टकेटका लागि जान्छन्।

चीजबर्गर वा स्पागेटी पोमोडोरो पाउन सजिलो छ, तर ममदानीले एस्टोरियामा खोजेका जस्तो खाना पाउन अलि बढी मेहन गर्नु पर्छ, जुन शहरको उत्कृष्ट खानेकुराका छिमेकहरू मध्ये एक हो।

ममदानीले हालसालै आफ्नो छिमेकको थाई रेस्टुरेन्ट पाई बोट नुडलमा काँचो पिरो मासु रुचाएका थिए, र आफ्ना मनपर्ने छिमेकका समुद्री खाना ठाउँहरूः बहारी एस्टियाटोरियो, इलियास कर्नर र अबुकिर बीचमा घुमिरहन्छन्, जहाँ पूरै ब्रान्जिनोको मूल्य २३.९९ डलर पर्छ।

अपर ईस्ट साइडमा, सेन्ट्रल पार्क नजिकैको मार्क होटलको रेस्टुरेन्टमा, ग्रिल गरिएको कालो समुद्री बासको एक टुक्रा ७२ डल को मूल्य तोकिएको छ ।

👮‍♀️ सुरक्षा पहिले

ममदानीको हालको अपार्टमेन्टमा कुनै डोअरम्यान वा विशेष सुरक्षा उपकरण छैन।

ग्रेसी म्यानसनको वास्तविक सुविधा यसको अग्लो बार हुन सक्छ, जसको छेउमा क्यामेराहरू छन्, र बाहिर तैनाथ पुलिस अधिकारीहरूको टोली।

यसैले डे ब्लासियोहरू अन्ततः भित्र सरे, र पूर्व मेयरले ममदानीलाई पनि त्यही गर्न आग्रह गरेः ‘उनी निश्चित रूपमा ग्रेसी जानुपर्छ।’

फिओरेलो लागार्डिया, ग्रेसीमा बसोबास गर्ने पहिलो मेयर, शहरी योजनाकार रोबर्ट मोसेसको आग्रहमा अनिच्छापूर्वक आफ्नो पूर्वी हार्लेम अपार्टमेन्टबाट सरे, जसले दोस्रो विश्व युद्धको समयमा मेयरको सुरक्षाको बारेमा चिन्ता व्यक्त गरेका थिए।

लागार्डियाले ग्रेसी म्यानसनलाई बढी घरेलु ग्रेसी फार्म को रूपमा पुनः ब्रान्डिङ गर्न खोजेका थिए । नाम टिक्न सकेन, तर उनकी श्रीमतीले सबै घरको काम आफैं गरिन्, र परिवारको लुगा लनमा सुकाइन्।

१९४१ को फोटोमा ग्रेसी म्यानसन। द न्यू योर्क टाइम्स

मेयर एरिक एडम्सले पूर्णतया फरक खतरा पहिचान गरेका छन्।

‘त्यहाँ भूतहरू छन्, यार! ‘ उनले आफ्नो कार्यकालको पहिलो वर्षमा एक रिपोर्टरलाई बताएका थिए ।

मेयर, जसले सामान्यतया हप्तामा केही रात मात्र ग्रेसीमा बिताउँछन्, संघीय अभियोजकहरूले प्राप्त गरेको सेलफोन डेटा अनुसार, यस वर्षको नयाँ वर्षको दिन बिहान ४ बजेतिर उनी घरमा थिएनन्, जब एक व्यक्ति बाहिरको बार नाघेर म्यानसनमा प्रवेश गर्यो, निशस्त्र, र एक क्रिसमस आभूषण खल्तीमा हाल्यो ।

माइकल आर ब्लूमबर्गले ग्रेसीलाई पूर्ण रूपमा त्यागे, आफ्नो नजिकैको टाउनहाउसलाई प्राथमिकता दिए, जुन कुनै न कुनै रूपमा अझ राम्रो छ।

एड कोच मेयर निर्वाचित भएपछि पनि आफ्नो भाडा–नियन्त्रित अपार्टमेन्टमा ग्रीनविच गाउँमा बस्न जारी राखे तर चाँडै मतदाताहरूबाट कलहरूको बाढी आयो, किनभने उनले आफ्नो घरको फोन नम्बर परिवर्तन गरेनन्। उनले अन्ततः व्यावहारिकता रोजे र माथिल्लो शहर ग्रेसीमा सरे, यद्यपि उनले आफ्नो अपार्टमेन्ट राखे।

‘मैले भने कि तपाईं धेरै छिटो पोशसँग अभ्यस्त हुन सक्नुहुन्छ’ कोचले आफ्नो १९८९ को पुनःनिर्वाचन बोली हारेपछि भने। ‘र मैले गरें।’

न्यूयोर्क टाइम्सबाट