काठमाडौँ, १८ मंसिर । नेकपा (एमाले) तथा काभ्रेबाट निर्वाचित सांसद गोकुलप्रसाद बास्कोटाको घरमा शंकास्पद वस्तु फेला परेको छ ।

भक्तपुरको लोकन्थलीस्थित बास्कोटाको घरमा शंकास्पद वस्तु फेला परेको हो । घरको कम्पाउन्डमा प्रेसरकुकरमा राखिएको अवस्थामा बम जस्तो वस्तु भेटिएपछि प्रहरी टोली घटनास्थल पुगेको छ ।

नवनिर्वाचित बास्कोटा भने काभ्रेस्थित आफ्नै घरमा रहेका छन् । बिहान पसल जाने क्रममा छिमेकीले घरको पेटीमा प्रेसरकुकरमा शंकास्पद वस्तु देखिएपछि खबर गरेका थिए ।