काठमाडौँ, ५ मंसिर । इक्वेडरविरूद्ध विश्वकपको उद्घाटन खेलमा आयोजक कतार २–० गोलले पराजित भएको छ ।
कतारविरूद्ध दुवै गोल इक्वेडरका कप्तान भ्यालेन्सियाले गरेका थिए । उनले खेलको १६औँ मिनेटमा पेनाल्टीमार्फत् पहिलो गोल गरेका थिए भने दोस्रो गोल ३१औँ मिनेटमा हेडिङमार्फत् गरेका हुन् ।
समूह ‘ए’को यो खेलमा जित हात पारेसँगै इक्वेडरले तीन अंक जोड्न सफल भयो । पराजय भोगेसँगै कतारको नाममा खराब रेकर्ड बनेको छ । कतार पहिलो खेल गुमाउने आयोजक बनेको छ ।
विश्वकपमा आज साँझ ६ः४५ बजे इंग्ल्यान्ड र इरान समूह ‘बी’को खेलमा तथा राति ९ः४५ मा सेनेगल र नेदरल्यान्ड्स समूह ‘ए’को खेलमा प्रतिस्पर्धा गर्ने छन् ।
COMMENTS