विराटनगर । नेकपा माओवादी केन्द्रका अध्यक्ष पुष्पकमल दाहाल प्रचण्डका ज्वाइँ जीवन आचार्यले पनि टिकट पाएका छन् ।

मोरङको क्षेत्र नम्बर ६ को (क) बाट आचार्यले टिकट पाएका हुन् । आचार्य माओवादी अध्यक्ष प्रचण्डका कान्छा ज्वाइँ हुन् ।

२०७४ सालको निर्वाचनमा तत्कालिन वाम गठबन्धनबाट उम्मेदवार बनेका आचार्य तत्कालीन कांग्रेस उम्मेदवार चुमनारायण तबदारसँग पराजित भएका थिए । यो पटक तबदारलाई कांग्रेसले प्रतिनिधिसभा तर्फको समानुपातिक सूचीमा राखेको छ ।

त्यस्तै, माओवादी केन्द्रबाट प्रतिनिधिसभातर्फ क्षेत्र नम्बर ४ बाट अमनलाल मोदी र क्षेत्र नम्बर ५ बाट शिवकुमार मण्डलको एकल नाम सिफारिस भएको थियो । उनीहरु दुबैले सिफारिस भएको स्थानबाट टिकट पाएका हुन् ।

प्रदेश सभातर्फ मोरङको क्षेत्र नम्बर १ को ९क०बाट कुलप्रसाद साम्बा ९कुशल लिम्बू०ले टिकट पाएका छन् । उनी सोही क्षेत्रबाट निर्वाचित सांसद हुन् ।

क्षेत्र नम्बर २ को क बाट माओवादी केन्द्र प्रदश १ कमिटी सचिव गणेश उप्रेतीले टिकट पाएका छन् । २०७४ सालको निर्वाचनमा उनी सो क्षेत्रबाट पराजित भएका थिए ।