काठमाडौं । नेकपा एमालेका अध्यक्ष केपी शर्मा ओली र लोकतान्त्रिक समाजवादी पार्टी (लोसपा) अध्यक्ष महन्थ ठाकुरबीच भेटवार्ता भएको छ ।
भेटमा चुनावी तालमेलबारे छलफल भएको नेताहरुले बताएका छन् ।
लोसपाका एक नेताले भने, ‘अध्यक्षले आज आफैं कुरा गर्नुभएको हो, चुनावी सहकार्यबारे छलफल सकारात्मक दिशामा छ भन्ने हामीलाई जानकारी गराउनुभयो ।’
चुनावी तालमेलबारे एमालेले एक साताअघि नै चुनावी तालमेलका लागि प्रस्ताव पठाएको थियो । लोसपाले भने कुनै निर्णय दिएको थिएन ।
लोसपा एमालेसित सहमति गरेर चुनावी तालमेलमा जाने स्थिति बनेको छ । त्यसका लागि कसले कति सिट लिने भन्नेबारे भने निचोडमा पुगिनसकेको बताइएको छ ।
ती नेताका अनुसार मधेस प्रदेशमा रहेका ३२ प्रतिनिधिसभा निर्वाचन क्षेत्रमध्ये करिब १८ वटा लिनेगरी एमालेसँग सहमति बन्न सक्छ । अनौपचारिक छलफल सकारात्मक मोडमा रहेको दुवै पक्षका नेताहरु बताउँछन् ।
COMMENTS