काठमाडौं । सिन्धुलीबाट काठमाडौंतर्फ आउँदै गरेको हायस र काठमाडौंबाट सिरहातर्फ जाँदै गरेको मोटरसाइकल एकापसमा ठक्कर खाँदा एक जना गम्भीर घाइते भएका छन् ।
स्थानीय व्यवसायी रविन कायस्थका अनुसार, बिहीबार बिहान करिब १० बजेतिर सो दुर्घटना भएको हो । हायस र मोटरसाइकल एकापसमा ठक्कर खाँदा मोटरसाइकलमा सवार एक जना गम्भीर घाइते भएका छन् ।
घाइतेलाई तत्काल उपचारका लागि धुलिखेल अस्पतालतर्फ लागिएको इलाका प्रहरी कार्यालयका प्रहरी निरीक्षक राजेश शाक्यले जानकारी दिए । अन्य केही व्यक्ति पनि घाइते भएका छन् ।
गाडी र मोटरसाइकल प्रहरीले नियन्त्रणमा लिएको प्रहरीले जानकारी दिएको छ ।
फोटो : रविन कायस्थको फेसबुकबाट
COMMENTS