काठमाडौँ । नेपाली कांग्रेसले आह्वान गरेको पदाधिकारी बैठकमा शेखर कोइराला पक्षधरले पाँच बुँदे असन्तुष्टि जाहेर गर्ने भएका छन् ।

मंगलबारदेखि काठमाडौँमा सुरु हुने बैठकमा पार्टीका सबै विभागमा ४० प्रतिशतसमेतको दाबी गर्दै कोइराला पक्षले सो असन्तुष्टि जाहेर गर्ने भएका हुन् ।

गत बिहीबार बसेको कोइराला समूहका बैठकले सरकार भ्रष्टाचारमा लिप्त भएकोदेखि सभापति शेरबहादुर देउवा पार्टीको नेता नभएर गुटको नेता भएको भन्दै ‘रचानात्मक विद्रोह’ गर्ने जनाएका थिए । महामन्त्री गगन थापासमेत उपस्थित बैठकमा कोइराला पक्षधरका अधिकांश नेताको उपस्थिति रहेको थियो ।

मंगलबारदेखि सुरु हुने बैठकमा सरकार सञ्चालनलगायत अन्य विषयमा असन्तुष्टि जनाउँदै कोइराला पक्षधरले ‘रचानात्मक विद्रोह’ गर्ने केन्द्रीय सदस्य चन्द्र भण्डारीले जानकारी दिए ।

*सच्याइएकाे