काठमाण्डौ, २३ माघ । याे हप्ताको पहिलो दिन नेप्से आइतवार ४० दशमलव ५७ अङ्कले घटेको छ । नेप्से घटेर दुई हजार आठ सय ३६ दशमलव १७ विन्दुमा झरेको छ ।

सबै समूहको शेयर ओरालो लागेकोमा बीमा, विकास बैंक, उत्पादन र फाइनान्स समूहको शेयर उच्च अङ्कले घटेको छ । एक करोड ६ लाख कित्ता शेयर पाँच अर्ब ८३ करोड ६४ लाख रुपैयाँमा किनबेच भएको छ । सबैभन्दा बढी अरुण भ्याली हाइड्रोपावरको ५४ करोड ४९ लाखको कारोबार भयो । विन नेपाल लघुवित्तको शेयर १० प्रतिशतले घटेको छ । यस्तै नेपाल लाइफ इन्स्योरेन्सको शेयर साढे सात प्रतिशत र बुद्धभूमि नेपाल हाइड्रोको शेयर साढे ६ प्रतिशतले ओरालो लागेको छ भने नेपाल हाइड्रोको शेयर आठ प्रतिशतले बढेको छ ।