काठमाडौं, २९ भदौ । नेकपा माओवादी केन्द्रको स्थायी कमिटी बैठक आज बस्दैछ । बैठक दिउँसो ३ बजेका लागि पार्टी कार्यालय, पेरिसडाँडामा बस्ने भएको हो । बैठकमा सरकार विस्तार, सांगठानिक विषय लगायतका विषयमा छलफल हुने बताइएको छ ।

माओवादी केन्द्रसमेतको समर्थनमा बनेको गठबन्धनको सरकारले दुई महिना बितिसक्दा पनि सरकार विस्तार गर्न सकेको छैन । यता, देउवाले माओवादीलगायत सरकारमा संलग्न अन्य दलहरुलाई मन्त्रीहरुको नामावली उपलब्ध गराउन भनिरहेका छन् । आजको बैठकमा मन्त्रिपरिषदमा को को समावेश हुने भन्नेबारे पनि छलफल हुने माओवादी स्रोतले बताएको छ ।