काठमाडौं, २९ भदौ । नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल र नेपाली कांग्रेसका महामन्त्री पूर्णबहादुर खड्का बीच भेटवार्ता भएको छ ।
माओवादी संसदीय दलको कार्यालय सिंहदरवारस्थित प्रचण्डको कार्यकक्षमा दुई नेता बीच छलफल भएको हो । मन्त्रिपरिषद् विस्तारलगायतका विषयमा छलफल भएको प्रचण्डको सचिवालयले जनाएको छ ।सरकार गठन भएको लामो समय बितिसक्दा पनि मन्त्रिपरिषद्ले पूर्णता नपाउँदा आलोचना भएपछि नेताहरु अहिले दौडधुपमा छन् ।