काठमाडौं, ५ भदौ । पछिल्लो २४ घण्टामा थप २ हजार ७५ जनामा कोरोना भाइरसको संक्रमण पुष्टि भएको छ।
स्वास्थ्य जनसंख्या मन्त्रालयका अनुसार शनिबार १३ हजार ७५ जनामा कोरोना परीक्षण गर्दा सो संख्यामा संक्रमित थपिएका हुन्।

पछिल्लो २४ घण्टामा ७ हजार ७०३ जनाको पिसिआर र ५ हजार ३७२ जनाको एन्टिजेन परीक्षण गरिएको थियो।
त्यस्तै, २ हजार ३८२ जना कोरोना संक्रमणबाट मुक्त भएका छन्। यसको संक्रमणबाट थप ३० जनाले ज्यान गुमाएका छन्। योसँगै मृत्यु हुनेको संख्या १० हजार ४८५ पुगेको छ।
हाल सक्रिय संक्रमित ३९ हजार ३ सय २१ छन्।संक्रमितमध्ये काठमाडौंमा ४८३, भक्तपुरमा ८१ र ललितपुरमा १०३ संक्रमित थपिएका हुन्।