काठमाडौं, १४ साउन । नेकपा एमालेका अध्यक्ष केपी शर्मा ओलीले अब पार्टीको महत्वपूर्ण छलफल तथा भेटघाट पार्टी केन्द्रीय कार्यालयबाट गर्ने भएका छन् । ओलीले पार्टीको छलफल तथा भेटघाटहरू पार्टीको थापाथलीस्थित केन्द्रीय कार्यालयबाट सुरु गरेका हुन् । सोही अनुसार बिहीबार ओलीले केन्द्रीय कार्यालयमा आएर पार्टी नेता तथा कार्यकर्तासँग भेटघाट गरेको केन्द्रीय कार्यालय सचिव शेरबहादुर तामाङले बताए । प्रधानमन्त्री रहँदा भने उनले प्रधानमन्त्री निवास बालुवाटारबाटै पार्टीका सम्पूर्ण बैठक गर्दै आएका थिए। अब पार्टीका सम्पूर्ण बैठक तथा भेटघाट पार्टी केन्द्रीय कार्यालयबाटै हुने बताईएको छ ।
COMMENTS