काठमाडौं १० वैशाख । नेकपा एमालेले केन्द्रीय कमिटीले कर्णाली प्रदेशसभामा एमाले संसदीय दलको ह्वीप उल्लंघन गर्ने ४ जना सांसदलाई पार्टी सदस्य र सांसद पद नरहने गरी कारबाही गर्ने निर्णय गरेको छ ।

प्रधानमन्त्री केपी शर्मा ओलीको सरकारी निवास बालुवाटारमा बसेको महाधिवेशन आयोजक कमिटिले कर्णाली प्रदेशमा फ्लोर क्रस गर्ने प्रकाश ज्वाला, नन्दसिंह बुढा, अमर थापा र कुर्मराज शाहीलाई निश्कासन गर्ने निर्णय गरेको हो ।

गत बैशाख ३ गते माओवादीका नेता तथा कर्णालीका मुख्यमन्त्री महेन्द्रबहादुर शाहीको पक्षमा विश्वासको मत दिएका उनीहरुलाई प्रदेश कमिटीले सोही दिन कारबाही गर्न सिफारिश गरेको थियो ।