काठमाडौं, २१ मंसिर । नेपालमा पछिल्लो २४ घण्टामा थप १०९६ जनामा कोरोना भाइरस (कोभिड- १९) संक्रमण पुष्टि भएको छ । यो अवधिमा ६४९५ परीक्षणमा १०९६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

योसँगै नेपालमा कोरोना भाइरस संक्रमितको संख्या २ लाख ४० हजार ९८१ पुगेको छ । बितेको २४ घण्टामा कोरोना भाइरस संक्रमणमुक्त हुनेको संख्या १७५२ रहेको छ । हालसम्म कोरोना भाइरस संक्रमणमुक्त हुनेको संख्या २ लाख २५ हजार ८०५ पुगेको सरकारी तथ्यांकमा उल्लेख छ ।

देशभरी सक्रिय संक्रमितको संख्या १३ हजार ५८२ छ भने हालसम्म क्वारेन्टाइनमा रहनेको संख्या ५३६ जना रहेका छन् । हालसम्म पीसीआर विधिबाट १७ लाख ८४ हजार ५१९ परीक्षणहरु गरिएको मन्त्रालयले जनाएको छ ।

यस्तै, २४ घण्टामा कोरोना संक्रमणबाट १७ जनाको मृत्यु भएको छ । हालसम्म मृत्यु हुनेको संख्या १ हजार ५९४ पुगेको स्वास्थ्य मन्त्रालयको तथ्यांकमा उल्लेख छ ।