काठमाडौं, २२ असोज । सन् २०२२ को डाइभर्सिटी भिसा डीभीको फारम खुलेको छ ।
नेपाली समयअनुसार बुधबार राति पौने १० बजेदेखि फारम भर्न सुरु भएको नेपालमा रहेको अमेरिकी दूतावासले जनाएको छ । यसको समयसीमा २०७७ कार्तिक २५ (नोभेम्बर १०) सम्म तोकिएको छ । डीभीको आवेदन निःशुल्क आफैंले भर्न सकिनेछ । आवेदनका लागि आवश्यक सम्पूर्ण जानकारी दूतावासको वेबसाइटमा गएर हेर्न सकिनेछ ।

फाराम भर्नका लागि आधिकारिक वेबसाइट डब्लु डब्लु डट डिभी लोटरी डट स्टेट डट जीओभीमा गएर निर्देशन अनुसार प्रक्रिया पूरा गर्नुपर्नेछ । बिना शुल्क भर्न सकिने भएकाले डीभी आवेदन भर्दा कन्सल्टेन्टको सहयोग नलिन समेत दूतावासले आग्रह गरेको छ ।