काठमडाौं ११ असोज । धरान उपमहानगरपालिकाका मेयर हर्क साम्पाङले प्रधानमन्त्री सुशीला कार्कीले जेनजीको मर्मअनुसार काम गर्न नसकेको आरोप लगाउँदै राजीनामा मागेका छन्।

जेनजी आन्दोलनका कारण तत्कालीन प्रधानमन्त्री केपी शर्मा ओलीले राजीनामा दिएपछि अन्तरिम प्रधानमन्त्री चयनका लागि वार्ता भइरहँदा साम्पाङले पनि धरानबाट काठमाडौँ आएर आफूलाई सरकारको नेतृत्व दिन माग गरेका थिए।

तर उनलाई कसैले पनि प्रधानमन्त्री बनाउन नचाहेपछि गृहमन्त्री पद मागेका थिए। त्यो पनि असफल भएपछि उनी बाध्य भएर घर फर्केका थिए।

त्यसयता उनले नवगठित सरकारको आलोचना गरिरहेका छन्।

यसै क्रममा शनिबार बिहान सामाजिक सञ्जालमार्फत उनले प्रधानमन्त्री कार्कीलाई राजीनामा दिन आग्रह गर्दै आफूले जेनजीका माग पूरा गर्न सक्ने दाबी गरेका हुन्।

‘सुशीलाजी१ तपाइँले जेनजीको मर्मअनुसारको काम गर्न सक्नुभएन, राजीनामा दिनूस्। म गर्छु( उनीहरूको माग पूरा एक एक गरेर उनले लेखेका छन्।’