काठमाडौँ १ कत्तिक । प्रमुख प्रतिपक्षी नेकपा एमालेका अध्यक्ष केपी शर्मा ओलीले प्रधानमन्त्री एवं नेपाली कांग्रेसका सभापति शेरबहादुर देउवालाई चुनावकेन्द्रित बहसमा आउन ललकारेका छन् ।

मंगलबार अध्यक्ष ओलीले सामजिक सञ्जाल फेसबुकमार्फत धेरैले प्रधानमन्त्री देउवासँग लाइभ डिबेटमा आउन भनिरहेको भन्दै त्यसका लागि आफू तयार रहेको बताएका छन् । उनले देउवा डिवेटका लागि तयार हो वा होइन चेतावनी दिएका छन् । किन कि त्यस्ता बहसमा देउवाको रुचि वा उपस्थित हुंदैन ।

‘सामाजिक सञ्जालमा रहेका धेरै साथीहरूले ‘लाइभ डिबेट’ मा आउन आग्रह गर्नुभएको छ । धेरैजसोले मेरो र नेकांका सभापति शेरबहादुर देउवाजीबीच एजेण्डा आधारित बहसका लागि सुझाव दिनु भएको छ’, ओलीले लेखेका छन्, ‘निर्वाचनको समयमा पश्चिमा देशहरूमा यस्तो डिबेट हुने गरेको छ । म त यसका लागि तयार छु, देउवाजी नि ’ ?