काठमाडौँ, ७ वैशाख । सत्तारुढ गठबन्धनको बैठकले छ महानगर र ११ उपमहानगरपालिकाको भागबन्डा टुंगो लगाएको छ ।

प्रधानमन्त्रीको सरकार निवास बालुवाटारमा बसेको बैठकमा दलीय भागबन्डा टु्ंगिएको माओवादी केन्द्रका नेता देव गुरुङले जानकारी दिएका छन् । उनकाका अनुसार अन्तिम सहमति पत्रमा केहीबेरपछि हस्ताक्षर हुँदैछ ।’सिट बाँडफाँटमा सहमति भयो, अब हस्ताक्षर गरेर सहमतिपत्र सार्वजनिक गर्छौं,’ उनले भने । छ महानगर र नाैँ उपमहानगरको प्रमुख र उपप्रमुखको भागबन्डा मंगलबार रातिको बैठकमा नै सहमति बनिसकेको थियो भने बाँकी पालिकाहरुमा आजको बैठकले टुंगो लगाएको हो । भागबन्डा मिलाउन दलहरुबीच बालुवाटारमा छुट्टा-छुट्टै छलफल समेत भएको थियो ।