काठमाडौं , १७ चैत्र । रुसको रक्षा मन्त्रालयले युक्रेनको तटीय सहर मारिउपोलमा युद्धविराम घोषणा गरेको छ ।

आम नागरिकलाई सुरक्षितरुपमा सहरबाट बाहिर निकाल्ने उद्देश्यका साथ रुसले युद्धविराम घोषणा गरेको हो । बिहीबार बिहानदेखि युद्धविराम घोषणा लागू हुने अन्तराष्ट्रिय सञ्चार माध्यम बीबीसीले बताएको छ। स्थानीय समयअनुसार बिहान १० बजे मारिउपोलबाट जापोरज्झियासम्म मानवीय कोरिडोर खुल्नेछ ।

यो घोषणालाई लिएर युक्रेनले भने अहिलेसम्म केही उल्लेख गरेको छैन । मारिउपोलमा यसअघि पनि युद्धविरामको प्रयास भएतापनि दुवै पक्षमा देखिएको विश्वासको अभावको कारण सम्भव हुन सकेको थिएन।