काठमाडौं, २८ फागुन । रुस–युक्रेनबीचको युद्धको असर नेपालमा पनि पर्नेप्रति गम्भिर हुनुपर्ने परराष्ट्रविद् रमेशनाथ पाण्डेले बताएका छन् । एबीसी टेलिभिजनसँगको आउटलूक कार्यक्रममा उनले विश्वका ठूला राष्ट्रहरु रुल बेस्डभन्दा पनि शक्तिका आधारित राज्य सञ्चालनको प्रक्रिया अघि बढ्दै गएको बताउदै उनले यस्तो बताएका हुन ।

विश्वस्तरमा रुस–युक्रेनको युद्धले सबैको ध्यान गम्भिर रुपमा केन्द्रीत भएको बेला नेपालको भूराजनीतिक संवेदनशीलताप्रति पनि गम्भिर हुनुपर्ने उनले बताए ।

रुस–युक्रेनीचको युद्ध तत्कालै समाधान नहुने चिन्ता व्यक्त गर्दै उनले यसको असर अरु देशमा पनि पर्दै जाने बताए । रुस, अमेरिका र इण्डिया हुदै यो नेपालमा पनि सर्छ, उनले बताए । यसले वैचारिक संकट विश्वस्तरमा पैदा गर्ने समेत उनको भनाई छ ।परराष्ट्रविद् पाण्डेसँगको पूर्ण अन्तरवार्ता आज राती ९ः०० बजे एबीसी टेलिभिजनमार्फत प्रसारण हुनेछ ।