काठमाडौ, १८ फागुन । आज बसेको प्रतिनिधिसभाको बैठक ८ मिनेट बसेर स्थगित भएको छ । प्रतिनिधिसभाको बैठक सुरु हुने वित्तिकै प्रमुख विपक्षी नेकपा एमालेका सांसदहरुले नाराबाजी गर्न थालेका थिए ।

एमालेको नाराबाजीका बीच प्रधानमन्त्री शेरबहादुर देउवाको तर्फबाट कानुन न्याय तथा संसदीय मामिला मन्त्री दिलेन्द्र प्रसाद बडूले राष्ट्रिय सूचना आयोगको बार्षिक प्रतिवेदन पेश गरे । त्यसलगत्तै सभामुखले प्रतिनिधि सभाको अर्को बैठक यहि फागुन २२ गते बस्नेगरी स्थगित गरेका छन् । यो सबै प्रक्रियाका लागि प्रतिनिधिसभाले करिब ८ मिनेट मात्र समय लियो । प्रमुख प्रतिपक्षी एमालेले विरोधका कारण २३ भदौ २०७८ देखि निरन्तर संसद अवरोध हुँदै आएको छ । माधव नेपालसहितका १४ जना सांसदलाई कारबाही गर्नुपर्ने नभए सभामुखले राजीनामा दिनुपर्ने एमालेको माग रहेको छ ।