काठमाडौं, २८ कार्तिक । विश्वभर पछिल्लो २४ घण्टामा ५ लाख २९ हजार ८६१ जना कोरोना संक्रमित थपिएका छन् ।

सबैभन्दा धेरै अमेरिकामा ९१ हजार ४१४, बेलायतमा ४० हजार १४७, रुसमा ४० हजार १२३, टर्कीमा २३ हजार ६३७ र ब्राजिलमा १४ हजार ४२४ जना थपिएका हुन् ।

यही अवधिमा ४ लाख ७६ हजार ४२ जना संक्रमित निको भएका ओर्ल्डोमिटरले जनाएको छ ।

निको हुने पनि अमेरिकाका सबैभन्दा धेरै छन् । त्यहाँ मात्रै एकदिनमा ८६ हजार ९०५, रुसमा ३३ हजार ६४५, बेलायतमा २९ हजार ३१३, टर्कीमा २५ हजार १६४ र ब्राजिलमा ८ हजार २०२ जना कोरोनामुक्त भएका हुन् ।

त्यसैगरी ७ हजार ६६९ जना संक्रमितको मृत्यु भएको छ । मृत्यु हुनेमा रुसमा सबैभन्दा धेरै एक हजार २३५, अमेरिकामा ९८७, ब्राजिलमा ६१२, टकीृमा २१७ र बेलायतमा १४५ जना रहेका छन् ।

यससँगै विश्वभर कोरोना संक्रमितको कुल संख्या २५ करोड ३२ लाख २९ हजार ३८८ पुगेको छ । तीमध्ये २२ करोड ९० लाख ९ हजार ७६६ जना निको भइसकेका छन् भने ५१ लाख ४ हजार २५८ जनाले ज्यान गुमाएका छन् ।