काठमाडौं, २२ साउन । नेपाली कांग्रेसकी सांसद डा। डिला संग्रौला पन्तले प्रतिनिधिसभामा जरुरी सार्वजनिक महत्वको प्रस्ताव दर्ता गरेकी छन् । सांसद संग्रौलाले शुक्रबार प्रतिनिधिसभा अन्र्तगतको संघीय संसद सचिवालयमा पाँच बुँदे जरुरी सार्वजनिक महत्वको प्रस्ताव दर्ता गरेकी हुन् ।

प्रस्तावको समर्थकमा प्रमिला राई र रामबहादुर विष्ट रहेका छन् । उनले कोभिड १९ का कारण विदेशमा रोजगारीमा रहेका नेपालीहरुको समस्या, कोभिडबाट मृत्यु भएका व्यक्तिका परिवार तथा रोजगारी गुमाएका व्यक्तिलाई नेपाल सरकारको तर्फबाट भएको सहयोग र वैदेशिक रोजगार असुरक्षित भएकोले त्यसलाई सुरक्षित बनाउन सरकारको योजना लगायतका बिषयमा संघीय संसद प्रतिनिधि सभामा जरुरी सार्वजनिक महत्वको प्रस्ताव दर्ता गरेकी हुन् ।