काठमाडौं, १६ साउन । नेकपा (एमाले) विवाद समाधान कार्यदलको बैठक बसिरहेको छ । विघटित कार्यदलको अनौपचारिक बैठक शनिबार बिहान सिंहदरबारमा बसिरहेको हो ।एमालेले शनिबार दिउँसो ३ बजेका लागि बोलाएको स्थायी कमिटी बैठक अघि सहमति जुटाउने प्रयासस्वरुप विघटित कार्यदलको अनौपचारिक बैठक बसेको हो ।

बैठकमा वरिष्ठ नेता माधव कुमार नेपाल पक्षका संयोजक डा।भीम रावलसहित ६ जना सदस्य रहेका छन् । यस्तै, अध्यक्ष केपी शर्मा ओली समूहबाट सुवासचन्द्र नेम्वाङ, प्रदीप ज्ञवाली र विष्णुप्रसाद पौडेल सहभागी छन् । कार्यदलको बैठकअघि नेता धनश्याम भुसालले कोटेश्वर पुगेर वरिष्ठ नेता नेपालसँग छलफल गरेका थिए ।