काठमाडौं, २९ मंसिर । सरकारविरुद्ध प्रमुख प्रतिपक्षी नेपाली कांग्रेसले सोमबार देशभर प्रदर्शन गरेको छ । कांग्रेसले सरकार भ्रष्ट्राचार, कुशासन र अधिनायकवादतर्फ उन्मुख भएको भन्दै देशव्यापी विरोध प्रदर्शन गरेको हो ।

कोरोना महामारीका बीच पनि काँग्रेसले संघीय राजधानी काठमाडौंमा शक्ति प्रदर्शन गरेको हो । काठमाडौं क्षेत्र नम्बरको भृकुटीमण्डपबाट जुलुस निकालियो भने क्षेत्र नम्बर २,३ र ४ ले पुतलीसडकबाट, क्षेत्र नम्बर ५,६ र ७ लैनचौरबाट, क्षेत्र नम्बर ८ ले बसन्तपुर तथा ९ र १० ले सहिदगेटबाट जुलुस निकालेका थियो ।

जुलुस रत्नपार्कमा जम्मा भएर बागबजार, पुतलीसडक, कमलादी हुँदै पुनः रत्नपार्कको शान्तिबाटीकामा पुगेर सभामा परिणत भएको हो ।