काठमाडौँ पुस २४,— नेपाली कम्युनिस्ट पार्टी साबिक नेकपा माओवादी का नेता तथा मधेश प्रदेशसभा सदस्य रहवर अन्सारीले पार्टीबाट राजीनामा दिएका छन् ।

अन्सारीले बिहीबार नेकपा संयोजक पुष्पकमल दाहाललाई सम्बोधन गर्दै राजीनामा दिएका हुन् । उनले साहस, इमान र जोखिम तीनै कुरा पार्टीले त्यागिसकेको भन्दै यो विरोधाभासको हिस्सा आफू बन्न नसक्ने राजीनामापत्रमा उल्लेख गरेका छन् ।

दाहाललाई सम्बोधन गरेको पत्रमा हिन्दी सायरीसमेत समेटेका छन् ।

सागर के तूफान को भी हमने बस मेँ किया है

पहाडों के चट्टानका पथ मोड दिया है

होगा न कोई हिटलर कोई नवाब

हम सर्वाहारकी आवाज इन्कलाब इन्कलाब इन्कलाब।

, यो गीत अब तपाईंको स्मृतिमा मात्र बाँकी छ । साहस, इमान र जोखिम तीनै कुरा पार्टीले त्यागिसकेको छ । म यो विरोधाभासको हिस्सा बन्न सक्दिनँ । यसै बोधका साथ म पार्टी सदस्यताबाट समाजवादी क्रान्ति जिन्दावाद भन्दै बिदा लिन्छु राजीनामापत्रमा भनिएको छ ।

अन्सारी २०७९ को प्रदेशसभा निर्वचनमा पर्सा १ ९१० मा माओवादी केन्द्रबाट विजयी भएका थिए । यसअघि उनी वीरगन्ज महानगरपालिकामा मेयरका प्रत्यासी थिए ।