ताप्लेजुङ, ६ मंसिर । ताप्लेजुङ जिल्लास्थित प्रसिद्ध तीर्थस्थल पाथीभरा मन्दिरको आसपासका क्षेत्रमा गएरातिदेखि हल्का हिमपात भएको छ। मन्दिर क्षेत्रमा हिमपात भएसँगै यस क्षेत्रमा अत्यधिक चिसो बढेको छ।हिमपातका कारण तापक्रम ह्वात्तै घटेकोले पाथीभरा दर्शन गर्न आउने तीर्थयात्रीहरूलाई चिसोबाट बच्ने पर्याप्त उपायहरू (जस्तै-न्यानो कपडा, ज्याकेट, टोपी आदि) सहित यात्रा गर्न आग्रह गरिएको छ।अचानक बढेको चिसोले गर्दा दर्शनार्थीको स्वास्थ्यमा कुनै असर नपरोस् भनी सुरक्षाका उपाय अपनाउनु आवश्यक देखिएको छ।मौसममा आएको परिवर्तनले गर्दा मन्दिर क्षेत्रको वातावरण निकै मनमोहक देखिएको छ, तर तीर्थयात्रीहरूले विशेष सावधानी अपनाउनुपर्ने देखिएको छ।