काठमाडौं, ६ मंसिर । नेपाल प्रिमियर लिग (एनपिएल)अन्तर्गत आज दुई वटा खेल हुँदैछन् ।शनिबार बिहान ११/१५ बजे कर्णाली याक्स र लुम्बिनी लायन्सको प्रतिस्पर्धा हुँदैछ भने दिउँसो ३स्३० बजे दोस्रो खेलमा काठमाण्डु गुर्खाज र विराटनगर किंग्स भिड्दैछन् ।दुवै खेल त्रिवि क्रिकेट मैदान कीर्तिपुरमा हुनेछन् । पहिलो खेलमा कर्णाली प्रदेशका कप्तान सोमपाल कामी र लुम्बिनीका कप्तान रोहितकुमार पौडेलका टिमको हो ।यस्तै दोस्रो खेलमा राष्ट्रिय क्रिकेट टिमका फास्ट बलर करण केसी र लेग स्पिन सन्दीप लामिछानेको भिडन्त रोचक बन्नेछ । करण नेतृत्वको काठमाडौंले दुई खेल खेलिसक्दा एक हार र एक जित गर्दै दुई अंक मात्र जोडेको छ ।पहिलो खेलमा जनकपुर बोल्टसलाई ५ विकेटले हराएको काठमाण्डु दोस्रो खेलमा सुदूरपश्चिमसँग २९ रनले पराजित भएको छ ।