प्रदेश-१
मधेस
बागमती
गण्डकी
लुम्बिनी
कर्णाली
सुदूरपश्चिम
काठमाडौं । तनहुँको शुक्लागण्डकी नगरपालिका १२ जस्पुरका अक्कलबहादुर गुरुङको परिवारका तीनै जना प्यारालाइसिस भएर थलिएका छन् । आफू स्वयम अकलबहादुरसहित उनकी श्रीमती र छोरा प्यारालाइसिस भएर थलिएको वर्षौ भइसकेको छ ।
जेठा छोरा १४ वर्षदेखि प्यारालाइसिस भएर थलामै छन् । अकलबहादुर सात वर्षदेखि प्यारालाइसिस भएर ओछ्यानमा छन् भने उनकी श्रीमती तीन वर्षदेखि प्यारालाइसिस भइन् । तीनै जना थलामै दिशापिसाव, थलामै खानपिन गर्नुपर्ने स्थितिमा छन् ।
अकलबहादुर र जेठा छोरा बोल्न सक्दैनन् । जतिबेला पनि अकलबहादुर ‘आमा आमा …’ भनिरहेका हुन्छन् । अरु केही बोल्न सक्दैनन् । अलिअलि अकलकी श्रीमती बोल्न सक्छिन् । हिडडुल गर्न सक्दैनन् ।
घरका सबै जना थला परेपछि उनीहरुको उपचार हुन सकेको छैन । आर्थिक अभावमा कहिलेकाहिँ त उनीहरुको खानपानमा समेत समस्या पर्ने गरेको छ ।
उनीहरुको हेरचाह छोरी फत्तकुमारी र ज्वाइँले गरिरहेका छन् । फत्तकुमारी भन्छिन्, ‘उपचार त गराउन सकिएन नै, भनेको समयमा राम्रो खान खुवाउन सकिएको छैन ।’
तीनै जनाको दिशापिशाप सोर्दासोर्दै हैरान भएको सुनाउने फत्तकुमारी पैसा भएसम्म त ‘डाइपट’ किन्ने गरेको बताउँछिन् । तर, अपांगता भत्ता र आफूहरुले मजदुरी गरेर कमाएको पैसाले खानाका लागि त धौधौ हुन्छ भने डाइपट र अरु सामान त परैको कुरा भयो ।
बेला–बेलामा जस्पुरकै आफन्तहरुले सघाउने गरेको उनले सुनाइन् ।
आफूहरु आएका बेला सामानहरु ल्याइदिने गरेको सिकारी सदार वंशु गुरुङ स्मृति प्रतिष्ठानका अध्यक्ष लालजंग गुरुङले बताए ।
कथा यात्राका क्रममा जसपुर पुग्दा एकै परिवारका तीन जना प्यारालाइसिस भएर थलामै रहेको फेला परेको हो । अहिलेसम्म कुनै मिडिया नआएको भन्दै फक्तकुमारीले मिडियाले सार्वजनिक रुपमा घरको दयनीय स्थिति सार्वजनिक गरिदिँदा केही सहयोग जुट्थ्यो कि भन्ने आशा व्यक्त गरिन् ।
उनले भनिन्, ‘अहिलेसम्म जेनोतिनो धानिएको छ, यसरी कति दिन धानिएला र ।’
उनले गुरुङ समुदाय लगायत सबैमा सहयोगको अपेक्षा गरिन् ।
एकै परिवारका तीन–तीन जना प्यारालाइसिस भएर थलामा परेको स्थिति देखेपछि कथा यात्राको टीमले पनि सबैमा सहयोगको अपिल गरेको छ । सहयोग जुटाएर सहयोगका लागि जस्पुरमा जाने योजना बनाएको छ ।
प्रतिक्रिया