काठमाडौं १४ कात्तिक । नागरिक उन्मुक्ति पार्टी, नेपालका संरक्षक रेशम चौधरीले आफू चुनावमा भाग लिन नपाए देशमा फेरि चुनाव नहुने दाबी गरेका छन् ।

शुक्रबार राष्ट्रिय स्वतन्त्र पार्टी ले आयोजना गरेको वृहत् राजनीतिक संवादमा बोल्ने क्रममा उनले आफूसहत लक्ष्मण थारु र धनिराम थारु लगायतले चुनाव लड्न नपाए फेरि पनि देशमा चुनाव नहुने जिकिर गरे ।

‘चुनाव रेशम थारू, लक्ष्मण थारू र धनिराम थारूले यो चुनावमा भाग लिन पाएनन् भने म यस मञ्चबाट भन्छु यो देशमा फेरि चुनाव हुँदैन,’ चौधरीले भने, ‘सिंगो समूदायको विद्रोहलाई पन्छाएर चुनाव हुन्छ रु नेपाली कांग्रेस, नेकपा एमालेको इतिहास के थियो रु शेरबहादुर, ओली र प्रचण्डको इतिहास के थियो रु जेनजीको इतिहास के छ रु’

साथै, उनले अहिले आफूलाई चुनाव लड्न नदिने भनेर जेनजी अगुवा पुरुषोत्तम यादवले भन्दै हिँडेको बताउँदै त्यसप्रति आपत्ति जनाए ।

‘अहिले चुनाव लड्न दिन्नँ भन्छन् । पुरुषोत्तम यादवजीले भन्नुभयो, नेता हुन दिन्नँ भन्छन् । देश परिवर्तन गर्ने हामी, संविधानमा अधिकार ल्याउनुपर्छ भनेर लड्ने हामी, कलम चलाउनेले फैसला गरिदिने रु अनि त्यो फैसलालाई हामीले मानिदिनुपर्ने रु,’ चौधरीले भनेका छन् ।
संवादमा सहभागी हुन पूर्वप्रधानमन्त्री डा. बाबुराम भट्टराईले जसरी पनि रास्वपा सभापति रवि लामिछानेलाई जेलबाट निकाल्नु पर्ने दलिल गरेका छन् । कानुनी प्रक्रियामा रहेका लामिछानेलाई भट्टराइले भनेजसरी कसरी हो जसरी पनि निकाल्ने भन्ने बारेमा उनले केही बताएनन् ।

जेनजी आन्दोलनको मर्म र भावनाअनुसार नयाँ राजनीतिक विकल्पका लागि भन्दै रास्वपाले संवाद कार्यक्रम आयोजना गरेको बताएको छ ।