काठमाडौँ, १९ मंसिर । सेनेगललाई ३–० ले पराजित गर्दै इंग्ल्यान्ड कतार फिफा विश्वकप २०२२ को क्वाटरफाइनलमा प्रवेश गरेको छ । सेनेगल भने प्रतियोगिताबाट बाहिरिएको छ ।
आइतबार राति अल बयात मैदानमा इंग्ल्यान्डलाई जित दिलाउन जोर्डन हेन्डरसन, कप्तान ह्यारी केन र बुकायो साकाले एक–एक गोल गरेका थिए ।
खेलको ३८औँ मिनेटमा हेन्डरसनले गोल गर्दै इंग्ल्यान्डलाई अग्रता दिलाए । पहिलो हाफको इन्जुरी समयमा कप्तान केनले गोल गर्दै इंग्ल्यान्डलाई २–० को अग्रता दिलाएका थिए । जारी विश्वकपमा उनको पहिलो गोल हो ।
खेलको ५७औँ मिनेटमा साकाले गोल गर्दै इंग्ल्यान्डको जित सुनिश्चित गरे । विश्वकपमा उनको तेस्रो गोल हो । अब, इंग्ल्यान्डले अन्तिम आठमा साविक विजेता फ्रान्सको सामना गर्ने छ ।
COMMENTS