धनगढी, २४ असोज । कैलाली क्षेत्र नम्बर–५ मा नागरिक उन्मुक्ति पार्टीका तर्फबाट प्रतिनिधि सभामा लक्ष्मण थारूले उम्मेदवारी दर्ता गराएका छन् ।

मंसिर ४ गते हुने प्रतिनिधिसभा तथा प्रदेशसभाको निर्वाचनका लागि आइतबार मुख्य निर्वाचन अधिकृतको कार्यालयमा वारेसनामामार्फत् थारूले उम्मेदवारी दर्ता गराएका हुन् ।

थारूका प्रस्तावकसमेत रहेका बुन्दीलाल थारूले उम्मेदवारी दर्ता गराएका हुन् । नागरिक उन्मुक्तिका तर्फबाट कैलाली–५ को प्रदेश सभा (क) मा श्रीराम चौधरी र प्रदेशसभा (ख) मा गोठु चौधरीले उम्मेदवारी दर्ता गराएका छन् ।

लक्ष्मण चौधरी टीकापुर घटनाको अभियुक्त हुन् । उनी सरकारको फरार सूचीमा छन् ।