काठमाडौँ । स्टेट पार्टनरसिप प्रोग्राम (एसपीपी)लाई नेपालले अस्वीकार गरेको भन्ने पत्र आफूलाई प्राप्त भइसकेको अमेरिकाले जनाएको छ । काठमाडौँस्थित अमेरिकी दूतावासका पब्लिक अफियर्स प्रमुख ग्यारेट विल्करसनले सो कुराको पुष्टि गरेका हुन् ।

परराष्ट्रमन्त्री डा.नारायण खड्काले प्रतिनिधिसभामा शुक्रबार बोल्दै परराष्ट्र मन्त्रालयले साउन ९ मा नै एसपीपीमा सहभागी नहुने भन्दै अमेरिकी सरकारलाई पत्राचार गरिसकेको जानकारी दिएका थिए । मन्त्रिपरिषद्को असार ६ को बैठकले एसपीपीलाई अस्वीकार गर्ने निर्णय गरेको थियो ।

परराष्ट्र मन्त्रालयकी प्रवक्ता सेवा लम्सालले पनि अमेरिकालाई पत्राचार गरिसकेको बताइन् ।