काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले एमसीसी र एसपीपी दुवै नेकपा एमालेका अध्यक्ष केपी ओलीको करामत भन्दै दोष थोपरेका छन् ।

चितवनमा पत्रकारहरुसँग कुराकानी गर्दै उनले भने, ‘एमसीसी र एसपीपी दुवै परियोजना पूर्वप्रधानमन्त्री केपी शर्मा ओलीको नेतृत्वको सरकारले ल्याएको हो । ओली सरकारको समयमा यी आएका हुन्, दुवैमा ओलीको करामतले समस्या भएको हो ।’

एमसीसी १२ बुँदा घोषणासहित पास गरेको भन्दै उनले एसपीपीमा कुनै १२ बुँदा हुनेवाला नरहेको बताउँदै खारेज हुने बताए ।

फरक प्रशंगमा उनले अहिलेको सत्ता गठबन्धन फेरबदल नहुने पनि बताए ।