काठमाडौं । सिन्धुलीको तिनपाटन गाउँपालिकामा नवनिर्वाचित जनप्रतिनिधिलाई काठमाडौंमा बधाई तथा सम्मान गरिएको छ ।

नेपाली कांग्रेस, नेकपा माओवादी केन्द्र र नेकपा एकीकृत समाजवादी तिनपाटन–काठमाडौं समितिले विहीबार आयोजित बधाई तथा सम्मान कार्यक्रममा जनप्रतिनिधिहरुलाई सम्मान गरिएको हो ।

नेपाली कांग्रेसका उपसभापति धनराज गुरुङले निर्वाचित जनप्रतिनिधलाई खादा, मालासहित सम्मानपत्र प्रदान गर्दै सम्मान गरिएको थियो ।

गाउँपालिका अध्यक्षमा पुनः निर्वाचित कर्णबहादुर थापा, उपाध्यक्ष अशोक पुलामी लगायत वडाध्यक्षहरुलाई उपसभापति गुरुङले सम्मान गरेका हुन् ।

सो समारोहमा कांग्रेसका केन्द्रीय सदस्य श्याम घिमिरे, उज्वल बराल, मोहन बराल लगायत एकीकृत समाजवादीका अमर थापा मगर लगायतको उपस्थिति थियो ।