काठमाडौँ । प्रधानमन्त्री शेरबहादुर देउवाले आज संघीय संसदमा सम्बोधन गर्ने भएका छन् ।

रक्षामन्त्रीको जिम्मेवारीसमेत सम्हालेका प्रधानमन्त्री देउवाले प्रधानमन्त्री तथा मन्त्रिपरिषद् कार्यालय र रक्षा मन्त्रालयसँग सम्बन्धित बजेटमाथि सांसद्हरुले उठाएका प्रश्नको जबाफ दिने भएका हुन् ।

सरकारले १५ जेठमा संसद्‌मा बजेट प्रस्तुत गरेको थियो । बजेटमाथिको छलफल सकिएपछि मन्त्रीहरुले जबाफ दिइरहेका हुन् । बिहीबार नै अर्थमन्त्री जनार्दन शर्माले पनि संसद्मा जबाफ दिने छन् ।

प्रतिनिधि सभाको बैठक दिउँसो १ बजे बस्दै छ ।

आज त्यसबाहेक राष्ट्रिय योजना आयोग, राष्ट्रपति तथा उपराष्ट्रपतिको कार्यालयको तर्फबाट बजेटका सन्दर्भमा उठेका विषयमा जबाफ दिने सम्भावित कार्यसूची रहेको संसद् सचिवालयले जनाएको छ।