जनकपुर । धनुषाको सबैलामा माओवादी केन्द्रका उम्मेदवार कारीराम यादव र उपमेयरमा माओवादीकै रहिमा खातुन निर्वाचित भएका छन् ।

नेपाली काँग्रेस र जनता समाजवादी पार्टीको गठबन्धनलाई पराजित गर्दै यादव र खातुनले जितेका हुन् ।

मेयरमा निर्वाचित कारीराम माओवादीका स्थायी समिति सदस्य मातृका प्रसाद यादवका कान्छो भाइ हुन् ।

कारीराम ४ हजार २११ मत ल्याएर मेयरमा विजयी भएका छन् । उनका निकटतम प्रतिद्वन्द्वी गठबन्धनबा काँग्रेसका उम्मेदवार जगत सुन्दर साह ४ हजार ७६ मत प्राप्त गरेका छन्।

यस्तै उपमेयरमा माओवादी केन्द्रकै रहिमा खातुन ४ हजार ६९९ मत ल्याएर विजयी भएकी छन्। उनका निकटतम प्रतिद्वन्द्वी नेकपा एमालेका किरण कापरले ३ हजार ६०४ मत प्राप्त गरिन्।