काठमाडौं, २२ वैशाख । चितवनको भरतपुरमा सत्तागठबन्धनले आज चुनावी सभा गरेको छ। सभालाई सम्बोधन गर्न प्रधानमन्त्री एवं नेपाली कांग्रेसका सभापति शेरबहादुर देउवा भरतपुरमा छन्।

नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल, नेपाली कांग्रेसका नेता रामचन्द्र पौडेल र जसपा नेता राजेन्द्र श्रेष्ठ चुनावी सभामा पुगेका छन्। चुनावी सभामा कांग्रेस सहमहामन्त्री महालक्ष्मी उपाध्याय डिना, केन्द्रीय सदस्य शंकर भण्डारी, चितवन कांग्रेस पूर्वसभापति जितनारायण श्रेष्ठ, मेयर उम्मेदवार रेनु दाहाललगायतले बोलेका छन्।