काठमाण्डौ, १ फागुन । शहीद स्मारक ’ए’ डिभिजन लिग फुटबलमा न्युरोड टिम (एनआरटी) र हिमालयन शेर्पा क्लबले गोलरहित बराबरी भएकाे छ ।

त्रिपुरेश्वरको दशरथ रङ्गशालामा आज भएको खेलमा दुवै टोलीले केही मौका बनाए पनि गोल भने गर्न सकेनन् । बराबरीसँगै दुवै टोलीलै एक–एक अङ्क बटुलेका छन् । आजको बराबरीसँग एनआरटी १० खेलमा १४ अङ्कसहित तालिकाको सातौँ स्थानमा छ । समान खेल खेलेको हिमालयन शेर्पा १२ अङ्कसहित आठौँ स्थानमा छ । आजै हुने अर्को खेलमा एपीएफ क्लब र सङ्कटा क्लब बेलुका पौने ५ बजे खेल्दैछन् । एपीएफ नौ खेलमा १० अङ्कसहित नवौँ स्थानमा छ भने सङ्कटा उति नै खेलमा १४ अङ्कसहित छैटौँ स्थानमा छन् ।