लोकसेवा र कर्मचारी समायोजनसम्बन्धी मुद्धा हेर्दा हेर्दैमा

काठमाडौँ, २९ पुस ।  निजामती कर्मचारी भर्ना,पदपूर्ति र कर्मचारी समायोजनसम्बन्धी मुद्धाको सुनुवाई हेर्दा हेर्दैमा राखिएको छ । लोकसेवा आयोगलाई विपक्षी बनाएर दायर गरिएका २४ थान रिटलाई एकै ठाउँमा राखेर सुनुवाई प्रारम्भ भए पनि सुनुवाई नसकिएका कारण हेर्दा हेर्दैमा राखिएको हो ।विगत चार महिनादेखि पेशी सारिदैं आएको सो मुद्धा आज सर्वोच्च अदालतको पूर्ण इजलाशमा राखेर सुनुवाई भएको थियो ।

आज न्यायधीशहरु आनन्दमोहन भट्टराई, सपना प्रधान मल्ल,नहकुल सुवेदीको पूर्ण इजलाशमा राखिएको सो मुद्धाको सुनुवाई नसकिएपछि हेर्दा हेर्दैमा राखिएको हो ।लोकसेवा आयोग र कर्मचारी समायोजनसँग जोडिएका विभिन्न २४ थान मुद्धालाई एकै ठाउँमा राखेर आज सुनुवाई प्रारम्भ भएको थियो ।

शिवहरी दाहाल,अनमोल भट्टराई ,इन्द्र कमल शिवाकोटी,रजिया चौधरी,दिनेश कुमार मण्डल,नविन गौतम लगायतले दायर गरेको सो मुद्धाको पटक पटक पेशी सारिँदा कर्मचारीको वृत्ति विकासमा गम्भीर समस्या परिरहेको थियो ।

  • Nepal News Agenacy Pvt. Ltd.

  • Putalisadak, Kathmandu Nepal

  • 01-4011122, 01-4011124

  • [email protected]

  • Department of Information and Broadcasting Regd.No. 2001।077–078

©2025 Nepal Page | Website by appharu.com

Our Team

Editorial Board