समृद्धिको दिशामा अग्रसर हुन सबैलाई सञ्चारमन्त्री कार्कीको आग्रह

काठमाडौं, ८ कार्तिक । सञ्चार तथा सूचना प्रविधिमन्त्री ज्ञानेन्द्रबहादुर कार्कीले जनताले अनुभूति गर्ने गरी समृद्धिको दिशामा अग्रसर हुन सबैलाई आ–आफ्नो ठाउँबाट योगदान पु¥याउन आग्रह गर्नु भएको छ । नेपाल सरकारका प्रवक्ता समेत रहनु भएका मन्त्री कार्कीले समृद्धिको दिशामा सबैले आ–आफ्नो ठाउँबाट अघि बढन सके १० वर्ष भित्रमा दक्षिण एशीयामा नेपाल पनि एक सम्पन्न मुलुक बन्ने दावी समेत गरे । उनले विज्ञापन बोर्डप्रति लक्षित गर्दै हरेकले आफैले आफैंलाई अनुशासित बनाएर जनतालाई लोकतन्त्रको अनुभूति गराउनुपर्ने आवश्यक्ता समेत औंल्याए । विज्ञापन दिवसको अवसर पारेर सोमबार काठमाडौंमा आयोजित एक कार्यक्रममा बोल्दै मन्त्री कार्कीले समाजका अरु क्षेत्रलाई पनि उदाहरणीय बन्ने गरेर मुलुकको समृद्धिको अभियान जुटन विज्ञापन क्षेत्रसँग सम्बन्धित संघ, संस्थाहरुलाई सचेत गराए ।

उनले भने ‘एउटै लक्ष्य हुनुपर्दछ । त्यो भनेको मुलुकलाई समृद्धिको दिशामा अग्रसर गराउने लक्ष्यमा पु¥याउनु पर्दछ । हामीले केवल भाषणमा, दस्तावेजमा मात्रै समृद्धिको कुरा गरेर जनताले समृद्धिको अनुभूति गर्न सक्दैनन् । त्यसैले जनताले अनुभूति गर्न सक्ने किसिमको समृद्धिको दिशामा हामी सबैले आ–आफ्नो ठाउँबाट जिम्मेवारीपूर्वक तरिकाले अगाडि बढ्यौं भने देखि मलाई लाग्दछ–१० वर्ष भित्रमा साउथ एशीयामा हामी एउटा सम्पन्न मुलुकको रुपमा विकसित हुन सक्दछौं । त्यसैले त्यस दिशामा अग्रसर हुनका निमित्त आजको दिनले यो क्षेत्रमा रहने साथीहरुलाई पनि प्रेरणा प्रदान गरोस् ।

र तपाईँहरुले खेलेको भूमिकाले समाजका अरु वर्गलाई उदाहरणीय कार्य गर्न प्रेरिच गर्न सकोस् । त्यो पनि म यहाँहरुलाई शुभकामना दिन चाहन्छु । यहाँहरुबाट मैले त्यसैको अपेक्षा गरेको छु । आफैले आफ्नो आचरणलाई अनुशासित गर्न सक्यौ भने मात्रै त्यो लोकतन्त्र जनताका लागि हुन सक्दछ । यस दिशातर्फ पनि हामी सबैले गम्भिरताका साथ सोच्नुपर्ने आवश्यक्ता छ भन्ने कुरा निवेदन गर्न चाहन्छु ।’ मन्त्री कार्कीले विज्ञापन सम्बन्धि आचारसंहिताको प्रस्तावित मस्यौंदामाथि सुझाव दिएर यसलाई समृद्ध बनाउन पनि सराकारवाला सबै निकायलाई आह्वान समते गरे ।

  • Nepal News Agenacy Pvt. Ltd.

  • Putalisadak, Kathmandu Nepal

  • 01-4011122, 01-4011124

  • [email protected]

  • सूचभा तथा प्रसारण विभाग दर्ता नं. २००१।०७७–०७८

©2022 Nepal Page | Website by appharu.com

Our Team

Editorial Board