काठमाडौं, ८ असोज । सानिमा माई हाइड्रोपावरले कात्तिक ११ गते वार्षिक साधारणसभा बोलाएको छ । कम्पनीले उक्त सभा सेलिब्रेसन हाइट सुकेधारा काठमाडौंमा बोलाएको हो ।सभा बिहान ११ बजेदेखि सुरु हुने भएको छ । लगानीकर्ताले भर्चुअल माध्यम वा भौतिक रुपमा सहभागी हुन सक्ने भएका छन् । सभा प्रयोजनका लागि असोज १८ गते बुक क्लोज गरिने भएको छ । जसकारण असोज १७ गतेसम्म कायम सेयरधनीले मात्र लाभांश र साधारणसभामा सहभागि हुन पाउनेछन् । उक्त सभामा सानिमा माईले १०.५२ प्रतिशत लाभांश दिने प्रस्ताव पनि पारित गर्ने भएको छ । कम्पनीले गत वर्षको नाफाबाट १० प्रतिशत बोनस सेयर र कर तिर्न ०।५२ प्रतिशत नगद लाभांश दिन लागेको हो ।