काठमाडौं, ६ असार । नेकपा एमालेका वरिष्ठ नेता माधव कुमार नेपाल पक्षका २२ सांसदहरुलाई स्पष्टिकरण सोधिएको छ । स्पष्टिकरण पत्रमा कुनै सदस्यलाई ४ गते र कुनैलाई ५ साउनको मिति राखेर स्पष्टिरकण सोधिएको छ । शेरबहादुर देउवालाई प्रधानमन्त्रीका रुपमा विश्वासको मत हालेका २२ सांसदलाई स्पष्टीकरण सोधिएको हो। पार्टीको हितविपरित विभिन्न भेला गरेको, गुटगत गतिविधि संचालन गरेको र विपक्षी गठबन्धनमा सामेल भई अपराधजन्य निर्णय गरेको आरोप लगाइएको छ । पत्र पाएपछि सासद पार्वति विशुन्केले भनिन् “संविधानमा नभएको काम गरी २ पटक सदन विघटन, पार्टीको दलको निर्णय विना सदन विघटन, संविधानको खिलापमा काम गर्ने अध्यक्ष केपी शर्मा ओलीलाई पो कार्वाही गर्नु पर्छ, हामीले त संविधानको धारा ७६ को उपधारा ५ मा रहेको व्यवस्था अनुसार सांसदको विवेक प्रयोग गरी भोट गरेको हो, संविधान र लोकतन्त्रको रक्षाका लागी हाम्रो मतदान हो । त्यसैले कारवार्ही गरिनुको कुनै औचित्य छैन ।”