सुनसरी १६ बैशाख । धरानस्थित बीपी कोइराला स्वास्थ्य विज्ञान प्रतिष्ठानको कोभिड १९ अस्पतालमा हिजो राती दुई जनाको मृत्यु भएको छ । प्रतिष्ठानका सहप्रवक्ता डा. चूडामणि पोखरेलका अनुसार सप्तरीका २४ वर्षीय र धनुषाका ६० वर्षीय पुरुषको मृत्यु भएको हो ।

वैशाख ९ गते संक्रमण पुष्टि भएपछि १३ गते प्रतिष्ठानको कोभिड अस्पतालमा भर्ना गरिएका सप्तरीका पुरुष मधुमेहका रोगी थिए । धनुषाका ६० वर्षीय पुरुषलाई वैशाख १० गते अस्पताल भर्ना गरिएको थियो । दुवै जनालाई आइसीयूमा राखिएको थियो ।

कोभिड अस्पतालमा हाल ३३ जना भर्ना गरिएका छन् । तीमध्ये १० जना आईसीयू र १८ जना एचडीयूमा छन् । प्रतिष्ठानको कोभिड अस्पतालमा गत एक हप्तामा ७ जनाको मृत्यु भएको छ ।