काठमाडौं ९ वैशाख । नेकपा एमालेका वरिष्ठ नेता झलनाथ खनाल र माधव नेपालसहितका २७ जना सांसदहरूले पार्टी अध्यक्ष एवं संसदीय दलका नेता केपी शर्मा ओलीले सोधेको स्पष्टीकरणको जवाफ पेश गरेका छन् ।

बिहीवार बिहान भएको छलफलपछि संसदीय दलको कार्यालय सिंहदरबारमा लगेर उनीहरूले आआफ्नो स्पष्टीकरण पेश गरेका हुन् ।

एमाले सांसद एवं केन्द्रीय सदस्य सोमप्रसाद पाण्डेले आफूहरूले स्पष्टीकरण पेश गरेको बताए ।
पार्टी हितविपरीत गतिविधिमा संलग्न रहेको, तथा अर्को पार्टी गठन गरेकोले किन पार्टी र सांसद पदबाट नहटाउने भन्दै ओलीले वैशाख ६ गतेको मिति राखेर सांसदहरूसँग छुट्टा–छुट्टै स्पष्टीकरण सोधेका थिए ।

पार्टीभित्र देखिएको विवाद समाधानको गर्ने अन्तिम प्रयास भन्दै हिजो र आज पनि अध्यक्ष एवं प्रधानमन्त्री केपी शर्मा ओली र नेता माधवकुमार नेपालबीच छलफल भएको छ ।