काठमाडौं । भारत सरकारले निजी अस्पतालका लागि कोरोना खोपको मूल्य निर्धारण गरेको छ ।

प्रतिडोज मूल्य २५० रुपैयां (भारु) निर्धारण गरिएको हो । निजी अस्पतालमा खोपका लागि तोकिएको २५० रुपैयांमध्ये १५० खोपको मूल्य र सय रुपैया“ सेवा शुल्क हो । मार्च १ देखि सुरु हुने खोपको चरणमा करिव १२ हजार सरकारी अस्पताल र प्राथमिक स्वास्थ्य केन्द्रहरुलाई निःशुल्क खोप दिइनेछ । यस चरणमा ६० वर्षभन्दा माथिका व्यक्तिहरूलाई खोप दिइनेछ । यसको साथसाथै ४५ देखि ६० वर्ष उमेरका गम्भीर रोगबाट पीडित व्यक्तहरूलाई पनि खोप दिइनेछ ।

भारतमा गत जनवरी १६ देखि सुरु भएको कोरोनाविरुद्धको खोप कार्यक्रम शुक्रबारसम्म एक करोड ४२ लाख ४२ हजार भन्दा बढी व्यक्तिले खोप लगाइसकेका छन् । कोरोना भाइरसविरुद्ध खोप लगाउनेमा प्रायः स्वास्थ्यकर्मीहरु रहेका छन् ।