दि भ्वाइस अफ नेपाल नेपालको नम्बर १ रियालिटी शो हो । यसको १ र २ सिजन निकै भव्यसँग सम्पन्न भैसकेको छ । यसका साथै यतिबेला दि भ्वाइस अफ नेपाल टिमले सिजन ३ को तयारी सुरु गरिसकेको छ । यतिबेला दि भ्वाइस अफ नेपाल सिजन ३ को डिजिटल अडिसन चलिरहेको छ ।
यसपटक एकजना कोच भने परिवर्तन भएका छन् । दि भ्वाइस अफ नेपाल सिजन २ मा कोचको रुपमा रहेकी गायिका आस्था राउत यसपटक भने कोचको रुपमा छैनन् । आस्थाले यस बर्ष समय दिन नसकेकाले शो टिमसँगको सहमतिमा नै छोडेकी हुन् । यसबाहेक अन्य कुनै पनि कारण नरहेको दि भ्वाइस अफ नेपाल टिमले स्पष्ट पारिसकेको छ ।
आस्थाको ठाउँमा यसपटक कोचको रुपमा पछिल्लो समयकी सर्वाधिक चर्चित गायिका तिर्सना गुरुङ अनुबन्धित भएकी छिन् । आज राजधानीमा एक कार्यक्रमको आयोजना गर्दै तिर्सनालाई कोचको रुपमा अनुबन्धित गरिएको हो । तिर्सनाले यसपटक दि भ्वाइस अफ नेपाल मा आफू पनि जोडिन पाउँदा निकै नै खुसी लागेको बताइन् । दि भ्वाइस अफ नेपाल सिजन ३, १ महिनापछि प्रशारणमा आउने बताइएको छ ।
COMMENTS