काठमाडौं, २२ पुष । नेपालमा बितेको २४ घण्टामा ४ सय ९ जनामा कोरोना भाईरस (कोभिड-१९) संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार यीसहित हालसम्म संक्रमित हुनेको कुल संख्या २ लाख ६३ हजार १ सय ९३ पुगेको छ ।
मन्त्रालयका अनुसार पछिल्लो २४ घण्टामा ४ सय ९५ जना निको भई घर फर्किएका छन्। योसहित कोरोनाबाट निको हुनेको संख्या २ लाख ५६ हजार १६१ पुगेको छ ।
२४ घण्टामा ६ हजार ७०६ पीसीआर परीक्षण भएको छ भने हालसम्म १९ लाख ६४ हजार १६० पीसीआर परीक्षण भएको स्वास्थ्य मन्त्रालयले जनाएको छ । यस्तै सक्रिय संक्रमितको संख्या ५ हजार १३३ छ भने क्वारेन्टाइनमा ३४२ जना रहेका छन् ।
२४ घण्टामा थप ६ जनाको मृत्यु
नेपालमा बितेको २४ घण्टामा कोरोना संक्रमणका कारण थप ६ जनाको मृत्यु भएको मन्त्रालयले जनाएको छ। योसँगै कोरोनाबाट मृत्यु हुनेको संख्या एक हजार ८ सय ९९ पुगेको सरकारी तथ्यांकमा उल्लेख छ ।
उपत्यकामा थप २३३ जना संक्रमित
काठमाडौं उपत्यकामा थप २३३ जनामा कोरोना संक्रमित थपिएका छन् । २४ घण्टामा संक्रमित हुनेमा ७२ महिला र १६१ जना पुरुष रहेको स्वास्थ्य मन्त्रालयले जनाएको छ ।
COMMENTS