महोत्तरी, २८ असोज । महोत्तरी जिल्लाको पिपरा गाउँपालिकामा कोरोना सङ्क्रमणि एक जनाको मृत्यु भएको छ ।

पिपरा गाउँपालिका–५ चाँदनीचोक बस्ने २५ वर्षीय युवकको मङ्गलबार भक्तपुरस्थित मानव अङ्ग प्रत्यारोपण केन्द्र जोरपाटीमा उपचारको क्रममा मृत्यु भएको हो । ति युवकलाई असोज २२ गते अस्पताल भर्ना गरिएको थियो । उनमा २३ गते कोरोना संक्रमण पुष्टि भएको हो ।

कोरोना संक्रमणपछि गम्भीर भएका उनको मंगलबार अस्पतालमै मृत्यु भएको जिल्ला प्रहरी कार्यालय महोत्तरीका प्रहरी उपरीक्षक टीकाबहादुर केसीले जानकारी दिए । उनी मिर्गौला रोगबाट पिडित थिए । महानगरीय प्रहरी परिसर भक्तपुर तथा नेपाली सेनाले उनको शव पशुपति आर्यघाटमा व्यवस्थापन गरेको जनाइएको छ ।