काठमाडौं,२७ भदौ । काठमाडौंको कागेश्वरी मनोहरा नगरपालिकास्थित एक घरमा विष्फोट भएको छ । कागेश्वरी नगरपालिका–९ महांटारस्थित एक घरमा विष्फोट हुंदा स्थानीय ४८ वर्षीया मिरा जोशी घाइते भएको प्रहरीले जनाएको छ ।

महानगरीय प्रहरी परिसर, काठमाडौंका एसएसपी श्यामलाल ज्ञवालीका अनुसार प्रारम्भिक अनुसन्धानमा ग्यास सिलिण्डर विष्फोट भएर घटना भएको हुनसक्ने देखिएको छ । घाइतेको कीर्तिपुर अस्पतालमा उपचार भइरहेको छ । घटनाका विषयमा थप अनुसन्धान भइरहेको प्रहरीले जनाएको छ ।